من حوالي ثلاث سنوات تقريباً كان حسابي هذا مخصص للأقارب والزملاء والأصدقاء والمعارف إللي فعلا نعرفهم على أرض الواقع …
وكان ليا منشور كتبت فيه أني معاش [أنيس الليبيين] و أني أنيس الناس إللي تفهم وتحترم وتقدر وتحب أنيس بس.
قصة #أنيس_الليبيين قصة قديمة خلونا منها.
بعدها فتحت المجال لقبول طلب الصداقة و تقدمت بطلبات صداقة لناس معينة دون غيرها .. الناس هذوا أغلبهم سكان منطقتي. فيه اللي كنت نعرفه وهو صغير و توا ما شاء الله كبر وفيه إللي نعرف خوه وفيه اللي نعرف جاره وفيه اللي نسمع بيهم وهكذا من باب توسيع دائرة المعارف.
الخلاصة زاد العدد و رجعت الحيرة القديمة و بالذات بعد ما بدأت نمشي في الشارع و نسمع في حد ينادي و يسلم من بعيد و أنا ما نعرفاش و نكتشف بعدين أني إضافته جديد على الفيس 
أو لما نخش لـ دكان نلقى صاحب الدكان وقت الخلاص مبتسم و يقول لي آنستنا يا استاذ أنيس
الراجل يعرفني وأنا ما نعرفاش
أمممم أكيد فيسبوك
المهم و الحاصيلو
نفكر لو نديروا يوم ثابت من الأسبوع أو في الشهر نتلاقوا فيه في مقهى عام مثل مقهى كافي دي روما طريق الشط او مقهى برج ابوليله أو المقهى المقابل او المجاور لفندق المهاري… أو أي مكان تقترحوه.
بحيث ننتقلوا من العالم الإفتراضي إلى الواقع الحقيقي؟
